सावंतवाडी, दि. १६ जून
सावंतवाडी शहरातील शाळा क्रमांक ४ येथे शाळेच्या मुलांना जिल्हा परिषद उपाध्यक्ष दादा साईल यांच्या हस्ते शैक्षणिक साहित्याचे वाटप करण्यात आले. सदर वह्या रिक्षा युनियनचे नेते सुधीर पराडकर व कुटुंबियांच्या तर्फे अँड. कै. श्रीधर पराडकर यांच्या स्मरणार्थ देण्यात आल्या.
या कार्यक्रमाप्रसंगी पत्रकार सिताराम गावडे, अँड. गुरुनाथ पराडकर, उद्योजक विनायक कोडल्याळ, श्री. सुरेश वीरनोडकर, डॉक्टर कांचन वीरनोडकर, मीरा सिंग, साईश बांदेकर, शिक्षक महेश पालव, इतर सहशिक्षक व शाळा व्यवस्थापन समितीचे पदाधिकारी उपस्थित होते. या उपक्रमाबद्दल उपस्थितांनी पराडकर कुटुंबियांचे आभार मानले. कार्यक्रमाला शाळेचे सर्व शिक्षक आणि विद्यार्थी मोठ्या संख्येने उपस्थित होते.
