सावंतवाडी, दि. २१ जून
आंतरराष्ट्रीय योग दिनानिमित्त आज, रविवारी सकाळी सावंतवाडी पोलीस ठाण्यामध्ये एक दिवसीय योग अभ्यास शिबिराचे आयोजन करण्यात आले होते. या शिबिरात पोलीस अधिकारी, अंमलदार आणि होमगार्ड यांनी उत्स्फूर्त सहभाग घेतला.
सकाळी एक तास चाललेल्या या शिबिरात योगशिक्षक बाबली गवंडे यांनी उपस्थितांना मार्गदर्शन केले. त्यांनी विविध योगासने, प्राणायाम आणि त्याचे आरोग्यासाठी असणारे महत्त्व याबद्दल सविस्तर माहिती दिली.
पोलीस दलातील दैनंदिन ताणतणाव दूर व्हावा आणि शारीरिक व मानसिक आरोग्य सुदृढ राहावे, या उद्देशाने या शिबिराचे आयोजन करण्यात आले होते. या योग शिबिरामध्ये पोलीस ठाण्यातील अधिकारी, पोलीस अंमलदार आणि होमगार्ड अशा एकूण २४ जणांनी सहभागी होऊन योगाभ्यास केला.
