ठाणे, दि. २८ मे
ठाणे जिल्हा पिकलबॉल चॅम्पियनशिप २०२६ निमित्त ठाण्यातील मुलांना पिकलबॉल खेळासाठी विशेष निमंत्रण देण्यात आले. या कार्यक्रमाला विविध मान्यवरांची उपस्थिती लाभली होती.
कार्यक्रमास मनोहर डुंबारे, वरिष्ठ नगरसेवक, ठाणे महानगरपालिका तसेच अध्यक्ष, हौशी पिकलबॉल संघटना, ठाणे उपस्थित होते. सचिन मोरे, अध्यक्ष, आदर्श विकास मंडळ व सचिव, हौशी पिकलबॉल संघटना, ठाणे यांनी मुलांना स्पर्धेसाठी प्रोत्साहन दिले. त्यांनी विद्यार्थ्यांना केबीपी महाविद्यालय, वागळे इस्टेट, ठाणे येथे प्रवेश घेण्यासाठीही आमंत्रित केले. याचबरोबर एप्रिल २०२६ मध्ये त्यांना प्राप्त झालेल्या ‘कोकण भूषण’ पुरस्काराबद्दल त्यांचा गौरव करण्यात आला.
या उपक्रमात वैदेही गुप्ते, संस्थापिका, नोव्हाकुरो नॅचरल्स व समिती सदस्य, हौशी पिकलबॉल संघटना, ठाणे यांचे विशेष योगदान राहिले. त्या गेल्या सहा महिन्यांपासून मुलांना पिकलबॉलचे प्रशिक्षण देत असून, त्यांच्या मार्गदर्शनाखाली ठाण्यात मुलांनी दुसऱ्यांदा पिकलबॉल खेळण्याचा अनुभव घेतला.
कार्यक्रमाला मिलिंद पाटणकर, माजी उपमहापौर, ठाणे महानगरपालिका तसेच मृणाल पेंडसे, वरिष्ठ नगरसेवक, ठाणे महानगरपालिका यांचीही उपस्थिती लाभली.
अखिल भारतीय पिकलबॉल संघटनेचे अध्यक्ष अरविंद प्रभू यांच्या उपस्थितीत हा उपक्रम उत्साहात पार पडला. मुलांमध्ये पिकलबॉलविषयी वाढता उत्साह आणि खेळाविषयीची आवड पाहून उपस्थित मान्यवरांनी समाधान व्यक्त केले.
ठाण्यात पिकलबॉलसारख्या नव्या खेळाला मिळणारा प्रतिसाद भविष्यातील खेळाडू घडविण्यासाठी प्रेरणादायी ठरत असल्याचे मत यावेळी व्यक्त करण्यात आले.
