रत्नागिरी सिंधुदुर्ग लोकसभा संपर्क प्रमुख मा.प्रदीप बोरकर यांचे संघटनावाढीसाठी मार्गदर्शन; ‘गाव तिथे शाखा’ अभियान प्रभावीपणे राबविण्याचे आवाहन
वैभववाडी,दि.२७ऑक्टोंबर
वैभववाडी, दि. २७ ऑक्टोबर २०२६ : शिवसेना (उद्धव बाळासाहेब ठाकरे) पक्षाचे रत्नागिरी–सिंधुदुर्ग लोकसभा मतदारसंघाचे नवनियुक्त संपर्कप्रमुख मा.श्री. प्रदीप बोरकर यांच्या उपस्थितीत वैभववाडी तालुका शिवसेना संघटनेच्या तालुका कार्यकारिणीची महत्त्वपूर्ण बैठक आज पार पडली. या बैठकीमध्ये तालुक्यातील पक्ष संघटनेची सद्यस्थिती, संघटनात्मक बांधणी, पदाधिकाऱ्यांच्या सूचना आणि आगामी काळात पक्षवाढीसाठी राबविण्यात येणाऱ्या विविध उपक्रमांवर सविस्तर चर्चा करण्यात आली.
बैठकीच्या प्रारंभी वैभववाडी तालुका शिवसेना कार्यकारिणीच्या वतीने नवनियुक्त लोकसभा संपर्कप्रमुख श्री. प्रदीप बोरकर यांचे शाल व पुष्पगुच्छ देऊन स्वागत करण्यात आले.
या बैठकीला वैभववाडी तालुकाप्रमुख श्री. नंदकुमार शिंदे, उपजिल्हाप्रमुख श्री. लक्ष्मणराव राणे, उपजिल्हा संयोजक श्री. वसंत खानविलकर, तालुका सचिव श्री. गुलजार काजी, महिला आघाडी प्रमुख दिव्या पाचपुडे मॅडम , शहरप्रमुख श्री. मनोज सावंत, तालुका महिला संघटक सौ. अर्चना कोरगावकर, महिला शहरप्रमुख सौ. मानसी सावंत, विभाग संघटक श्री. पंढरीनाथ सुर्वे, उपतालुकाप्रमुख श्री. सुरेश पांचाळ,विभागप्रमुख श्री. सूर्यकांत परब यांच्यासह तालुका कार्यकारिणीचे विविध पदाधिकारी उपस्थित होते.
तालुका संघटनेचा आढावा सादर
बैठकीदरम्यान तालुका सचिव श्री. गुलजार काझी यांनी वैभववाडी तालुक्यातील पक्ष संघटनेची सद्यस्थिती, संघटनात्मक कामकाज आणि पक्षाच्या विस्तारासाठी आवश्यक असलेल्या बाबींची माहिती लोकसभा संपर्कप्रमुख मा.श्री. प्रदीप बोरकर यांना दिली.
तालुकाप्रमुख श्री. नंदकुमार शिंदे यांनी उपस्थित पदाधिकाऱ्यांची श्री. बोरकर सर यांच्याशी ओळख करून दिली. त्यानंतर त्यांनी प्रत्येक पदाधिकाऱ्याला आपापल्या विभागातील संघटनात्मक परिस्थिती, अडचणी, सूचना आणि पक्षवाढीसाठी आवश्यक असलेल्या उपाययोजना मांडण्याची संधी दिली.
या वेळी उपस्थित पदाधिकाऱ्यांनी आपले विचार व सूचना मांडल्या. जवळपास दोन तास चाललेल्या या बैठकीत तालुक्यातील पक्ष संघटना अधिक सक्षम करणे, कार्यकर्त्यांशी सातत्याने संपर्क ठेवणे, गावपातळीवरील संघटनात्मक बांधणी मजबूत करणे आणि पक्षाच्या विचारांचा जनतेपर्यंत प्रभावीपणे प्रसार करणे या विषयांवर चर्चा झाली.
‘गाव तिथे शाखा’ अभियानावर भर
बैठकीत मार्गदर्शन करताना लोकसभा संपर्कप्रमुख श्री. प्रदीप बोरकर यांनी वैभववाडी तालुक्यात शिवसेना संघटना अधिक बळकट करण्यासाठी नियोजनबद्ध पद्धतीने काम करण्याची आवश्यकता व्यक्त केली.
शिवसेनाप्रमुख स्वर्गीय बाळासाहेब ठाकरे यांचे विचार गावागावांत रुजविण्यासाठी ‘गाव तिथे शाखा’ हे उद्दिष्ट डोळ्यांसमोर ठेवून सर्व पदाधिकारी आणि कार्यकर्त्यांनी एकजुटीने कार्य करावे, असे आवाहन त्यांनी केले. पक्षाची संघटना केवळ पदांपुरती मर्यादित न राहता प्रत्येक गावातील नागरिकांशी आणि कार्यकर्त्यांशी जोडली गेली पाहिजे, यावर त्यांनी भर दिला.
संघटनावाढीसाठी शाखांची बांधणी, कार्यकर्त्यांचा सक्रिय सहभाग, पदाधिकाऱ्यांमधील समन्वय आणि पक्षाच्या कार्यक्रमांची प्रभावी अंमलबजावणी या बाबी महत्त्वाच्या असल्याचे त्यांनी स्पष्ट केले.
शाखाप्रमुख व बीएलए यांच्यासाठी स्वतंत्र मार्गदर्शन शिबिर..
आगामी काळातील संघटनात्मक नियोजनाबाबत माहिती देताना श्री. प्रदीप बोरकर यांनी लवकरच तालुक्यातील सर्व शाखाप्रमुख आणि बूथ लेव्हल एजंट (BLA) यांची स्वतंत्र बैठक घेण्यात येणार असल्याचे सांगितले. या बैठकीत संघटनात्मक कामकाजाचा आढावा घेऊन पक्षवाढीसाठी आवश्यक मार्गदर्शन करण्यात येईल.
तसेच तालुका संघटनेच्या बळकटीकरणासाठी मार्गदर्शन शिबिर आयोजित करण्याचेही त्यांनी सूचित केले. या माध्यमातून पदाधिकारी व कार्यकर्त्यांना संघटनात्मक कामकाजाची दिशा, जबाबदाऱ्या आणि आगामी कार्यक्रमांचे नियोजन याबाबत मार्गदर्शन केले जाणार आहे.
यापुढे दर महिन्याला संघटनेची नियमित बैठक घेऊन प्रत्येक पदाधिकाऱ्याला पक्षवाढीसाठी स्पष्ट कार्यक्रम व जबाबदाऱ्या देण्यात येतील, असेही त्यांनी सांगितले. त्यामुळे संघटनेच्या कामकाजात सातत्य, नियोजन आणि उत्तरदायित्व राखण्यास मदत होईल, अशी अपेक्षा व्यक्त करण्यात आली.
पक्षशिस्त आणि समन्वयाचे महत्त्व अधोरेखित..
आपल्या मार्गदर्शनपर भाषणाच्या शेवटी श्री. बोरकर यांनी पक्षशिस्तीचे महत्त्व अधोरेखित केले. प्रत्येक पदाधिकाऱ्याने पक्षाच्या शिस्तीचे पालन करून परस्पर समन्वयाने काम करावे आणि संघटना वाढविण्यासाठी प्रामाणिक प्रयत्न करावेत, अशा सूचना त्यांनी दिल्या.
वैभववाडी तालुक्यात पक्षाची संघटनात्मक बांधणी अधिक मजबूत करण्यासाठी सर्व पदाधिकाऱ्यांनी एकत्रितपणे काम करण्याचा निर्धार या बैठकीत व्यक्त करण्यात आला.
बैठकीच्या शेवटी उपजिल्हा संयोजक श्री. वसंत खानविलकर यांनी उपस्थित मान्यवर व पदाधिकाऱ्यांचे आभार मानले. त्यानंतर बैठकीची सांगता झाली.
या बैठकीमुळे वैभववाडी तालुक्यातील शिवसेना (उद्धव बाळासाहेब ठाकरे) पक्षाच्या संघटनात्मक कामकाजाला दिशा मिळाली असून, आगामी काळात गावपातळीवरील संघटनावाढ आणि कार्यकर्त्यांच्या सक्रिय सहभागावर भर दिला जाणार असल्याचे बैठकीतून स्पष्ट झाले.
