राष्ट्रभक्ती, सामाजिक एकात्मता, शिस्त आणि सेवाभावाचा संदेश; प्रमुख वक्ते प्रकाश डेंगरकर व प्रा. काशिनाथ चव्हाण यांची उपस्थिती!
कणकवली,दि.२५ ऑक्टोंबर
राष्ट्रीय स्वयंसेवक संघ, वैभववाडी मंडळाच्या वतीने अर्जुन रावराणे हायस्कूल सभागृहात आयोजित विजयादशमी उत्सवाला आज पालकमंत्री नितेश राणे यांनी उपस्थिती लावली.
या उत्सवातून राष्ट्रभक्ती, सामाजिक एकात्मता, शिस्त आणि सेवाभावाचा संदेश अधोरेखित करण्यात आला.
यावेळी प्रमुख वक्ते प्रकाश गंगाराम डेंगरकर आणि प्रमुख पाहुणे प्रा. काशिनाथ चव्हाण उपस्थित होते.
राष्ट्रनिर्माण, समाजजागृती आणि देशाप्रती कर्तव्यभावना दृढ करण्यासाठी अशा उत्सवांचे महत्त्व आहे.भारतीय संस्कृती, परंपरा आणि राष्ट्रहिताची भावना जपत समाजाच्या सर्वांगीण विकासासाठी कटिबद्ध राहण्याचा संकल्प यावेळी करण्यात आला.
