दिगवळे-किनवनेवाडी येथील शेडमधून १ लाख ५३ हजारांचा मुद्देमाल लंपास; कणकवली पोलीस ठाण्यात तक्रार, गुन्हा दाखल करण्याची प्रक्रिया सुरू
कणकवली, दि. ३० ऑक्टोबर
दिगवळे-किनवनेवाडी येथे एका शेडमध्ये गडनदीतील पात्रातील केटी बंधाºयामध्ये पाणी अडविण्यासाठी ठेवलेल्या १ लाख ५३ हजार रुपये किमतीच्या १५३ लोखंडी प्लेट्स अज्ञात चोरट्यांनी चोरल्या. हा प्रकार शुक्रवारी सकाळी ९.३० वाजण्याच्या सुमारास उघडकीस आला. याप्रकरणी लघू पाट बंधारे विभागाचे सहाय्यक अभियंता विशाल तुकाराम सामंत (वय ४३, मूळ रा. कोल्हापूर, सध्या रा. कुडाळ ) यांनी कणकवली पोलीस ठाण्यात दिली आहे. त्यानुसार अज्ञाताविरोधात शुक्रवारी रात्री उशिरापर्यंत गुन्हा करण्याची प्रक्रिया सुरू होती.
याबाबत अधिक वृत्त असे की, दिगवळे-किनवडेवाडी येथे पावसाळ्यापूर्वी केटी बंधाºयावरील घातलेल्या लोखंडी प्लेट्स काढून त्या या परिसरातील एका शेडमध्ये ७ जून २०२६ रोजी ठेवण्यात आल्या होत्या. ही संधी चोरट्यांनी साधून जून ते आॅक्टोबर या कालावधीत प्लेट्स चोरल्या. शुक्रवारी सकाळी ९.३० वाजण्याच्या विशाल सामंत हे लघू पाटबंधारे विभागाच्या ओरोस येथील कार्यालयात असताना त्यांना नवनाथ पवार यांनी फोनकरून उघडया शेडमध्ये ठेवलेल्या १५३ लोखंडी प्लेट्स दिसत नाहीत, असे त्यांनी सांगितले. त्यानंतर सामंत हे घटनास्थळी गेले असता त्याठिकाणी लोखंडी प्लेट्स शोध घेतला. परंतु त्या सापडून आल्या नाहीत. त्यामुळे अज्ञाताने प्लेट्स चोरून नेलेल्या आहेत, असे सामंत फिर्यादी म्हटले आहे.
