१५ ऑगस्टला विविध कार्यक्रमांचे आयोजन
सावंतवाडी,दि.१२ ऑगस्ट
भारताच्या स्वातंत्र्यदिनाचे औचित्य साधून सावंतवाडी नगरपरिषदेच्या महिला व बालकल्याण समितीच्या वतीने १५ ऑगस्ट २०२६ रोजी विविध कार्यक्रमांचे आयोजन करण्यात आले आहे. शहरातील शालेय विद्यार्थ्यांमध्ये अभ्यासाव्यतिरिक्त इतर प्रबोधनात्मक विषयांची आवड निर्माण व्हावी व त्यांचे मनोरंजन व्हावे, या उद्देशाने देशभक्तीपर समूह गीत गायन स्पर्धा तसेच दहावी-बारावीतील गुणवंत विद्यार्थ्यांचा सत्कार सोहळा आयोजित केला आहे.
हा कार्यक्रम १५ ऑगस्ट २०२६ रोजी दुपारी ३ वाजता नगरपरिषदेच्या बॅ. नाथ पै सभागृहात पार पडणार आहे.
समूहगीत स्पर्धा पहिली ते चौथी, पाचवी ते सातवी आणि आठवी ते दहावी अशा तीन गटांमध्ये घेतली जाणार आहे. याशिवाय शहरातील सर्व शाळांमधील इयत्ता दहावी आणि बारावीच्या परीक्षेत प्रथम, द्वितीय व तृतीय क्रमांक पटकावलेल्या विद्यार्थ्यांचा विशेष सत्कार याप्रसंगी केला जाणार आहे.
या कार्यक्रमास नागरिकांनी मोठ्या संख्येने उपस्थित राहावे, असे आवाहन नगराध्यक्षा सौ. श्रद्धा सावंतभोसले, उपनगराध्यक्ष अॅड. श्री. अनिल निरवडेकर, मुख्याधिकारी श्री. विनायक औंधकर, महिला व बालकल्याण सभापती सौ. दिपाली भालेकर आणि उपसभापती सौ. सुनिता पेडणेकर यांनी केले आहे.
