राज्यस्तरावर प्रथम, राष्ट्रीय स्तरावर चौथा क्रमांक
वेंगुर्ला,दि.२३ ऑगस्ट
सिंधुदुर्ग विद्यानिकेतन्स इंग्लिश मीडियम स्कूल, वेंगुर्ला येथील इयत्ता पहिलीतील विद्यार्थी स्वरित गणपत वेंगुर्लेकर याने Writing Wizards Handwriting Olympiad 2025-26 या हस्ताक्षर स्पर्धेत उल्लेखनीय यश संपादन केले आहे.
या स्पर्धेत स्वरितने महाराष्ट्र राज्यस्तरावर प्रथम क्रमांक मिळवत आपल्या उत्कृष्ट हस्ताक्षराची छाप पाडली. तसेच राष्ट्रीय स्तरावर चौथा क्रमांक पटकावत त्याने वेंगुर्ला व सिंधुदुर्गच्या शिरपेचात मानाचा तुरा खोवला आहे.
या उल्लेखनीय कामगिरीबद्दल स्वरितला राज्यस्तरीय प्रथम क्रमांकाचा चषक व प्रमाणपत्र, तसेच राष्ट्रीय स्तरावरील चौथ्या क्रमांकाचे प्रमाणपत्र प्रदान करण्यात आले.
Writing Wizards Handwriting Olympiad ही विद्यार्थ्यांच्या सुंदर, सुबक व शिस्तबद्ध हस्ताक्षराला प्रोत्साहन देणारी स्पर्धा आहे. स्वरितच्या या यशाबद्दल त्याचे पालक, शिक्षक व शाळेतील शिक्षकवृंदांनी त्याचे अभिनंदन करून पुढील वाटचालीस शुभेच्छा दिल्या.
