दोडामार्ग, दि. ४ जुलै
गेल्या दोन दिवसापासून दोडामार्ग तालुक्यातील अनेक गावात पावसाचा जोर वाढला आहे यामुळे पडझडी घटना वाढत आहेत. धो धो कोसळणाऱ्या पावसामुळे शनिवारी दुपारी दोन वाजण्याच्या सुमारास दोडामार्ग एस टी बस स्थानकापासून काही अंतरावर असलेले वडाचे झाडाच्या फांद्या प्रवाशांच्या सोयीसाठी असलेल्या सुलभ शौचालयावर पडल्याने सुलभ शौचालय इमारत नुकसान झाले आहे. दरम्यान यावेळी कुणी नसल्याने मोठा अनर्थ टळला. झाड पडल्यावर दोडामार्ग एस टी डेपो कंट्रोल प्रमुख यानी शौचालय ठिकाणी जाऊन कुणी अडकून पडला का? याची पाहणी केली नंतर घटनेची माहिती सावंतवाडी डेपोत दिली.
