सावंतवाडी,दि.२७ ऑगस्ट
सावंतवाडी तालुका व्यापारी, उद्योजक व व्यावसायिक संघाच्या वतीने अन्नसुरक्षा नियमांतर्गत पाणी आणि अन्नपदार्थ परीक्षण शिबिराचे आयोजन करण्यात आले आहे. हे शिबीर २९ व ३० ऑगस्ट २०२६ रोजी सकाळी ९ ते सायंकाळी ५ या वेळेत सावंतवाडी नगरपालिका इंदिरा गांधी संकुलन येथील पत्रकार कक्षाच्या शेजारील खोलीत होईल.
व्यापारी संघटनेचे अध्यक्ष जगदीश मांजरेकर यांनी तालुक्यातील व्यावसायिकांना या शिबिराचा लाभ घेण्याचे आवाहन केले आहे. परीक्षणासाठी लागणाऱ्या विशेष पाणी बॉटल्स व कंटेनर आदल्या दिवशी भारतमाता हॉटेल येथून मिळतील.
महत्त्वाच्या सूचना: एक लिटरची पाण्याची बाटली पूर्ण भरून आणावी व त्यावर ‘पाणी सँम्पल’ लिहावे.अन्नपदार्थाचा नमुना डब्यात भरताना तो पूर्ण थंड करून भरावा व पदार्थाचे नाव लिहावे.अन्नसुरक्षा परवान्याची झेरॉक्स प्रत, त्यामागे आधारशी लिंक असलेला मोबाईल नंबर आणि उपलब्ध असल्यास जीएसटी (GST) नंबर लिहून आणावा, असे आवाहन त्यांनी केले आहे.
