विविध धार्मिक व सांस्कृतिक कार्यक्रमांचे आयोजन
सावंतवाडी,दि.२२ जुलै
भटवाडी येथील श्री विठ्ठल मंदिर व दत्त मंदिर देवस्थान ट्रस्टच्या वतीने प्रतिवर्षाप्रमाणे यंदाही शनिवार, २५ जुलै २०२६ रोजी आषाढी एकादशी उत्सव विविध धार्मिक, सांस्कृतिक व भक्तिमय कार्यक्रमांनी साजरा करण्यात येणार आहे.
उत्सवानिमित्त सकाळी ५:३० वाजता काकड आरती आणि सकाळी ७ वाजता श्री विठ्ठल-रखुमाई यांची महापूजा होणार आहे. त्यानंतर सकाळी १० ते ११ या वेळेत स्टेपिंग स्टोन ग्लोबल स्कूल, कोलगावच्या विद्यार्थ्यांकडून अभंग गायन सेवा सादर केली जाईल.
सायंकाळी ५ ते ६:३० या वेळेत ‘स्तोत्र सखी परिवार, सावंतवाडी’ यांच्यावतीने देवी-देवतांच्या स्तोत्रांवर आधारित भक्तिपूर्ण व संगीतमय कार्यक्रम आयोजित करण्यात आला आहे. त्यानंतर सायंकाळी ७ ते ८ या वेळेत महाआरती आणि रात्री ८ वाजल्यापासून भजनाचा कार्यक्रम पार पडणार आहे.
२९ जुलैला पालखी भेट
बुधवार, २९ जुलै २०२६ रोजी दुपारी १२ वाजता सावंतवाडी विठ्ठल मंदिरातील पालखी भटवाडी येथील विठ्ठल मंदिरात भेटीसाठी येणार आहे. या सर्व धार्मिक व सांस्कृतिक कार्यक्रमांचा भाविकांनी मोठ्या संख्येने लाभ घ्यावा, असे आवाहन श्री विठ्ठल मंदिर व दत्त मंदिर देवस्थान ट्रस्ट, भटवाडी यांच्या वतीने करण्यात आले आहे.
