सावंतवाडी,दि.२२ जुलै
पावसाळ्यात उगवणाऱ्या विविध रानभाज्यांचे औषधी गुणधर्म, पौष्टिकता आणि त्यांची ओळख नागरिकांना व्हावी, या उद्देशाने सावंतवाडी नगरपरिषद महिला व बालकल्याण समितीतर्फे ‘रानभाजी आस्वाद कार्यक्रम’ (स्पर्धा) आयोजित करण्यात आली आहे.
हा कार्यक्रम रविवार, ३ ऑगस्ट रोजी सायंकाळी ३:३० वाजता बॅ. नाथ पै सभागृहाबाहेरील मोकळ्या पॅसेजमध्ये पार पडणार आहे. या कार्यक्रमात रानभाज्यांपासून विविध खाद्यपदार्थ बनवून त्यांचे प्रदर्शन व स्टॉल उभारण्यात येणार आहेत.
स्पर्धेत भाग घेऊ इच्छिणाऱ्या स्पर्धकांनी आपली नावे ३१ जुलै पर्यंत सावंतवाडी नगरपरिषद कार्यालयातील श्रीम. परवीन शेख (मो. ८५५०९५०७२१) यांच्याकडे नोंदवावीत.
सावंतवाडी शहरातील सर्व महिलांनी या उपक्रमात जास्तीत जास्त संख्येने सहभागी व्हावे, असे आवाहन नगराध्यक्ष सौ. श्रद्धाराजे भोसले, महिला व बालकल्याण सभापती श्रीम. दिपाली भालेकर आणि उपसभापती श्रीम. सुनिता पेडणेकर यांनी केले आहे.
