सावंतवाडी रोड स्थानकावर ३ महत्त्वाच्या गाड्यांना प्रायोगिक तत्त्वावर थांबा; कोकण रेल्वेची अधिसूचना जारी

सावंतवाडी,दि.२४ जुलै
रेल्वे मंत्रालयाने सावंतवाडी रोड स्थानकावर प्रवाशांच्या सोयीसाठी तीन महत्त्वाच्या एक्स्प्रेस गाड्यांना प्रायोगिक तत्त्वावर व्यावसायिक थांबा (Commercial Stoppage) देण्याचा निर्णय घेतला आहे. कोकण रेल्वे कॉर्पोरेशन लिमिटेडने यासंदर्भातील अधिकृत अधिसूचना जारी केली आहे.
​या निर्णयानुसार खालील गाड्यांना सावंतवाडी रोड स्थानकावर थांबा देण्यात आला आहे: सीएसएमटी – मंगळुरू सेंट्रल – सीएसएमटी एक्स्प्रेस (प्रतिदिन)
​ट्रेन क्र. १२१३३ (CSMT ते MAJN): आगमन सकाळी ०७:०२ वाजता, प्रस्थान सकाळी ०७:०४ वाजता (प्रभावी तारीख: २६ जुलै २०२६).
​ट्रेन क्र. १२१३४ (MAJN ते CSMT): आगमन रात्री २३:३० वाजता, प्रस्थान रात्री २३:३२ वाजता (प्रभावी तारीख: २७ जुलै २०२६).
​ हजरत निजामुद्दीन – तिरुवनंतपुरम – हजरत निजामुद्दीन ‘राजधानी’ एक्स्प्रेस (आठवड्यातून ३ दिवस)
​ट्रेन क्र. १२४३२ (NZM ते TVC): आगमन सकाळी ०६:१८ वाजता, प्रस्थान सकाळी ०६:२० वाजता (प्रभावी तारीख: २६ जुलै २०२६).
​ट्रेन क्र. १२४३१ (TVC ते NZM): आगमन सकाळी ०९:४४ वाजता, प्रस्थान सकाळी ०९:४६ वाजता (प्रभावी तारीख: २८ जुलै २०२६).
​ एलटीटी – तिरुवनंतपुरम – एलटीटी ‘गरीब रथ’ एक्स्प्रेस (आठवड्यातून २ दिवस)
​ट्रेन क्र. १२२०१ (LTT ते TVCN): आगमन मध्यरात्री ०२:०२ वाजता, प्रस्थान मध्यरात्री ०२:०४ वाजता (प्रभावी तारीख: २७ जुलै २०२६).
​ट्रेन क्र. १२२०२ (TVCN ते LTT): आगमन पहाटे ०३:२८ वाजता, प्रस्थान पहाटे ०३:३० वाजता (प्रभावी तारीख: ३० जुलै २०२६).
​प्रायोगिक तत्त्वावर दिलेल्या या थांब्यांमुळे सावंतवाडी व आसपासच्या भागातील प्रवाशांना, पर्यटकांना तसेच चाकरमान्यांना मोठा दिलासा मिळणार आहे. रेल्वे प्रशासनाकडून या कालावधीत प्रवाशांचा प्रतिसाद व उत्पन्नाची नोंद घेतली जाणार असून, त्यानुसार पुढील आढावा घेतला जाईल. त्यामुळे प्रवाशांनी रेल्वे गाड्यांचे आरक्षण करण्यासाठी पुढाकार घेतला पाहिजे असे सावंतवाडी रेल्वे प्रवासी संघटनेने म्हटले आहे.