तळेरे, दि. ६ जुलै
कणकवली तालुक्यातील कासार्डे- दाबवाडी येथील रहिवासी कै. सौ. पार्वती यशवंत धुरी यांचे नुकतेच अल्पशा आजाराने दुःखद निधन झाले. त्यांच्या निधनाने धुरी कुटुंबीयांवर दुःखाचा डोंगर कोसळला आहे.
कै. पार्वती धुरी या अत्यंत प्रेमळ, मायाळू, साध्या, सुस्वभावी आणि सर्वांना आपलेसे करणाऱ्या व्यक्तिमत्त्वाच्या होत्या. त्यांच्या चेहऱ्यावरील कायमचे प्रसन्न हास्य, प्रत्येकाच्या सुख-दुःखात धावून जाण्याची वृत्ती, घरातील प्रत्येकावर असलेली माया आणि लहानांपासून मोठ्यांपर्यंत सर्वांना दिलेला प्रेमळ आधार यामुळे त्या सर्वांच्या मनात अढळ स्थान निर्माण करून गेल्या.
त्यांच्या मायेचा स्पर्श, डोक्यावरून फिरणारा आशीर्वादाचा हात, प्रेमाने केलेली चौकशी आणि प्रत्येकाला आपुलकीने जपण्याची त्यांची सवय आता कायमची आठवण बनून राहिली आहे. त्यांच्या जाण्याने केवळ धुरी कुटुंबीयांनीच नव्हे, तर गावानेही एक प्रेमळ, जिव्हाळ्याचं आणि संस्कार जपणारं व्यक्तिमत्त्व गमावलं आहे. त्यांच्या पश्चात मुले, सूना, नातवंडे तसेच मोठा आप्त परिवार आहे.
