वेंगुर्ला ,दि.१ सप्टेंबर (प्रथमेश गुरव)
राष्ट्रीय क्रिडा दिनानिमित्त जिल्हा क्रिडा अधिकारी कार्यालय, सिंधुदुर्ग यांच्यावतीने ओरोस येथे जिल्हास्तरीय जलतरण स्पर्धेचे आयोजन करण्यात आले होते. यामध्ये वेंगुर्ला येथील सिंधुदुर्ग विद्यानिकेतन इंग्लिश मिडीयम स्कूलमधील इयत्ता सातवीतील विद्यार्थी हर्षांक रमेश टेमकर याने १४ वर्षांखालील गटातून १०० मीटर फ्री स्टाईल या प्रकारात ब्राँझ मेडल प्राप्त केले. तर १७ वर्षांखालील गटातून इयत्ता नववीतील विद्यार्थी श्रेयश कृष्णा साटेलकर याने ५० व १०० मीटर फ्री स्टाईल या प्रकारात ब्राँझ मेडल प्राप्त केले.
दोन्ही विद्यार्थ्यांनी मिळविलेल्या या यशाबद्दल संस्थेचे उपाध्यक्ष इर्शाद शेख, सचिव दत्तात्रय परुळेकर, संचालक प्रशांत नेरुरकर, शाळेच्या मुख्याध्यापिका मनिषा डिसोजा तसेच शिक्षक व शिक्षकेतर कर्मचारी यांनी अभिनंदन केले.
